మౌనాక్షారాలు

నీ పలుకు చినుకు కోసం ఎదురు చూసి చూసి
ఎడారిగా మారిపొతున్న నా హ్రుదయంe  నుండి
వీస్తున్న వేడి గాలుల నిట్టూర్పు  సెగలు
నిను మచ్హుకైనా తాకడం లేదా...?

కొంచెం కొంచెంగా పెరిగి పోతున్న
నీ తలపు చినుకుల భారంతో
చిదికి పోతున్న నా మది తాలూకు
కబురైనా నిను చేరడం లేదా..?

ఎడతెగని నీ ఆలోచనలతో విసిగి వేసారి  
అలసి సొలసి నిర్లిప్తా తెరలు ఆవరిస్తున్నపుడు
నా మనసు పలుకుతున్న మౌనాక్షరాల
సవ్వడులు వినిపించడం లేదా..?

నీ గురించిన ప్రశ్నలు శరాలై నలువైపుల నుండి దూసుకొస్తుంటే
సమాధానాలు చెప్పలేక ఉక్కిరి బిక్కిరై పోతున్న
నా గుండె నిస్సహాయ స్థితి నిను
కాస్తైనా కదిలించడం లేదా..?